基斯、J.K.和狄維在首映禮講聖誕傳統。
聖誕檔期電影由荷李活的《Red One拯救隊》揭開序幕。由美國隊長基斯伊雲斯(Chris Evans)、黑亞當狄維莊遜(Dwayne Johnson)、劉玉玲、J.K. Simmons等主演的《Red One》，講述J.K.飾演的聖誕老人遭綁架，狄維與基斯聯手拯救的故事。昨日，電影在洛杉磯舉行首映，片中演員均有出席，各自分享怎樣度過聖誕。
留滿鬍鬚的基斯差啲認唔到。
劉玉玲身穿的黑色長裙被讚超靚。
基斯寫信給聖誕老人
《Red One》中飾演查案高手的基斯表示，自己一直與3位親兄妹關係密切。「每年平安夜，我們就會聚埋一齊寫信俾聖誕老人。又會用一部古老電視播聖誕片。揀好電影後，就會將電視開到好大聲，嘈醒屋企所有人，咁就可以一家人一齊睇戲。」拯救行動指揮官狄維就話聖誕節一定要一家齊人團聚，「團聚係最好嘅傳統，睇落好簡單，但要齊人係有一定難度。我成長過程中，爸爸喺聖誕節總會唔喺屋企。演員工作唔定時，所以全家人一齊係好重要。」片中飾演策劃拯救行動的劉玉玲表示，成長過程中沒有聖誕節傳統，但有了小朋友後，就開始注重這個大日子。
《Red One拯救隊》於今個星期四香港上映。
🎁 amJetso請你睇《焚城》，快Ｄ開APP玩👇 👇
