兩人早前特別到香港拍攝靚相，今次終於同港迷正式見面。
Netflix同志真人騷《夏日咖啡男友》（The Boyfriend）早前上架後大受歡迎，,帶挈多位參加者人氣急升，還撮合了SHUN（中西瞬）和DAI（中井大），兩人近月來以情侶檔姿態拍住上吸金，還進軍內地市場，兩人早前就到上海舉辦粉絲見面會，下月14日亦會攻入泰國，於曼谷開fan meeting，氣勢蔓延至亞洲各地。
SHUN與DAI上月曾快閃來港，近日宣布明年1月11日將辦香港粉絲見面會「幸會」（THE LAST FAN MEETING），場地定在位於赤鱲角的香港麗豪航天城酒店，全場坐位共分三種票價，分別是HK$1,888、$1,388及$888。兩人早前來港原來是順道拍攝今次見面會的宣傳海報，不過網民反應兩極，有人指：「畀成二千蚊睇人放閃，呢啲機會留返畀啲闊太」、「呢pair睇見都眼冤」、「Cap水不了」、「完全為$而一齊嘅感覺」，普遍也認為票價太貴減低入場意欲。
立即更新/下載AM730手機APP 體驗升級功能
