阿澤早前應邀到港台與叻哥談社會事件。
網民近月不時提倡要支持「黃店」，搞「黃色經濟共榮圈」，同時衍生了不少食肆app，讓網民可以分別「黃店」及「藍店」，方便「懲罰」自己支持的食肆。杜汶澤今日在Facebook表示受到李嘉誠中小企「應急錢」的啟發，希望借自己的網台，為一些小店做推廣，更不收分毫，他坦言一定對自己公司的生意有影響，但表明「同舟人，誓相隨，我無畏，更無懼。」
阿澤的網台有不少觀眾，而且他們的賣廣告手法非常搞笑。
究竟他又以甚麼作為準則去提供免費宣傳呢？阿澤寫道︰「以無分店嘅黃色食店行先（有分店就落廣告啦），只要你話你自己係黃，我哋就會由喱騷起底組作出粗略審查，一經批核，我哋就落去你度食，同老闆傾下計，如果好食，就話好食，不收任何廣告費！萬一唔好(食)，都唔會割席，不過會以食客角色比下意見，希望你做得更好，不完美、可改善，因為其實好多黃店，得罪講句認真麻麻，例如某間好多人排隊嘅黃店，真係幾難食。」
阿澤認為首步由食店推行，然後推廣至不同行業︰「由食店開始，以至到各行各業，衣食住行，只要我哋團結，我哋有我哋嘅世界！我假設，如果香港有二百萬黃絲，只要互相幫助，構建一個『黃色經濟共榮圈』，甚至乎係一個經濟實體，絕對不是夢！好誇張咩？咁簡單啲，你係黃，你發到達，又幫下其他黃店，自不然可以刺激黃色經濟，你話幾好。」他表示已想好節目名，目的要帶觀眾去食好西，並呼籲各位相同政見的食店老闆多多留意。
amJetso 送BIODERMA救星小紅瓶🩷護膚恩物 立即按此參加👇
