阿Bob曾做心臟手術，但照頂硬上。
首集《大整蠱》播出阿Bob事隔8年再被整蠱的過程，無綫為了整蠱阿Bob可說是勞師動眾，本身做過心臟手術的他更頂硬上玩飄移，嚇到面容扭曲及出了多個下巴，之後又因為「總理」全身著火，即刻除衫救人，不少人大讚阿Bob英勇。
當他得知被整蠱時，眼神絕對是絕望。
事後阿Bob逐一回應網民的留言，其中有網民留言指他當時拖跌馮盈盈，他回應說︰「佢對腳好似損晒！」亦有人問到他是否一早知情︰「如果知，我諗我會表現得再好啲，再型啲，唔會喺架車入面個樣咁X。」當然也有人擔心阿Bob若然因為節目而心臟病發就慘了，他回覆說︰「好彩無心臟病發。」
由於有太多人留言問阿Bob，於是他決定一次過回應。對於是否完全不知情，他說︰「如果我一早知，我會同佢哋講，我已經知道咗，不如你哋整蠱過第二個啦。」為何會完全看不出有奇怪，他說︰「當你好專心，好認真去做緊主持嘅時候，根本唔會特別去留意其他無謂嘢。」最後有不少人問為何當時他會作出撲水，心臟有事照頂硬上︰「真係冇得解，純粹係當時喺現場嘅即時本能反應。」並謂︰「最後好多謝咁多位觀眾同網友有睇呢一個節目，
希望下次我唔會再成為被整蠱嘅對象啦。」
入App免費換走健康產品
