三哥同華哥相識於微時，在節目大談當年趣事。
苗僑偉(三哥)與黃日華二人識於微時，他們一同出席《諸朋好友》與主持崔建邦及張秀雯暢談兄弟情及入行以來的趣事，提到太太梁潔華離世，華哥坦言三哥一直的陪伴，更藉此向三哥表示謝意，感謝對方陪他渡過人生低潮。
華哥與三哥停不到口話當年，滿滿是回憶。
華哥提起太太離世，三哥如何陪伴他時，一度哽咽。
華哥提到太太離世之後，三哥日日陪伴及開解他︰「太太剛離開咗，喺我最失落最無助時候，三哥收到呢個消息就第一時間問候我。跟住落嚟個幾月，佢好多次朝早打嚟問我起身未去食早餐、去飲茶，佢喺呢段時間陪我、開解我，同埋我太太設靈同出殯兩日，佢都好有心到場打點一切，佢係好義無反顧我太太搵位，所以我喺呢到衷心多謝三哥。」
華哥非常感謝對方，三哥拍拍膊頭，兄弟情盡在不言中。
在旁的三哥搭一搭華哥的膊頭並謂︰「唔使講呢啲！」華哥續說︰「說話無需要講太多，做兄弟嘅支持你、扶持你、開解你，我覺得呢樣係任何錢都買唔到。」三哥續說︰「放心，任何時候都喺身邊。」
華哥表示三哥除了時常陪伴他，又幫忙打點一切。
立即更新/下載AM730手機APP 體驗升級功能
