顏卓靈與樂隊Nowhere Boys主音陳維諾(Van)，在驚悚電影《失衡凶間》的《暗角》單元首次合作，其中有場戲要踎在細小空間，由試位、對稿、到正式拍攝，超過半小時，獲Van大讚專業，「對腳震晒。期間我叫佢不如坐喺地上抖吓，但佢想俾燈光師同攝影師對清楚個位，坐低咗就唔啱位，非常專業，令我好佩服。」
顏卓靈則形容Van蓬頭垢面、衣衫襤褸的造型，令不寒而慄，Van則笑言只是呈現真實自己，談到其中一場歇斯底里地爆喊、繼而跳樓的戲，近乎零拍戲經驗的Van，原本向導演要求一分鐘時間，但他只需聽聽手機內的必喊歌來培養情緒，便能在半分鐘入戲，只拍了兩takes導演就滿意收貨。
《失衡凶間》，集合陳果、馮志強、許業生3位導演，拍攝3個不同的詭異故事，分別為《死場》、《唐樓》和《暗角》。
顏卓靈與樂隊Nowhere Boys主Van，首次合作拍電影。
amJetso 送BIODERMA救星小紅瓶🩷護膚恩物 立即按此參加👇
