MIRROR成員向來是廣告寵兒，由高級名牌到日常用品都有代言，繼Anson Lo(盧瀚霆) 和Edan(呂爵安)分別代言兩種品牌牙膏後，姜濤最近就擔任DARLIE好來牙膏的代言，並推出聯乘版的牙膏月曆套裝、牙刷相架套裝及姜濤透明閃卡，有前妻大量入貨，不少前夫紛紛在「我老婆嫁左比MIRROR」的群組出po訴苦，上載家裡牙膏堆積如山的照片，有前夫留言：「我老婆買牙膏買到我以為我屋企開藥房。」並表示一排排的牙膏可讓女兒當床瞓。
網民：有無諗過用嚟調味？
另有前夫看到家裡擺滿一箱箱的牙膏，留言：「屋企就黎有新牆紙喇，見到咁我唔知應該俾咩反應好。」有網民就抵死留言：「一小時刷一次都唔掂，今次真係刷到口爛」、「有無諗過用牙膏嚟做調味料？」原來，在HKTVmall的網站，姜濤牙膏一度賣斷貨，認真犀利！有網民就擔心囤積牙膏造成浪費，前夫就表示：「牙膏牙刷全部會攞去捐俾基層人士。」
amFUN聖誕狂賞🎁狂送UNICO迷你遊戲機、主題公園門票、Panasonic鏡燈👉
