姜濤與阿Sa初次合作，非常緊張。
蔡卓妍阿Sa擔任HPV代言人15年，曾跟梁詠琪、鄭伊健、周柏豪等合作拍攝此系列廣告。今年換上新拍擋，廣告商找來人氣王姜濤接棒。姜濤與前輩阿Sa合作，兩人雖然分開場地拍攝，姜濤特地往探阿Sa，向來性格害羞的他，竟然緊張到腦袋一片空白，要阿Sa幫手打圓場，場面搞笑。
事後問姜濤為何那麼cool？他解釋，「阿Sa對我來講是前輩、又是影后級人馬，點知她好Nice主動打招呼，搞到我有點唔好意思。」不過，難得與前輩合作，今次卻未能同場拍攝兼偷師，姜濤大感可惜，期望未來兩年可以同阿Sa拍住上，令全香港人都知道預防HPV的重要性。最近姜濤的家人、朋友均受疾病困擾，他表示深切體會到健康的重要性。「我自己都會take action去預防，因為這是對自己和將來另一半應盡的責任。」
本來與周柏豪合作的阿Sa，今年換上新拍檔姜濤。
阿Sa表示，好開心今次可以同近期大熱嘅生力軍合作。「好開心多個人幫手推廣HPV。預防HPV呢件咁大嘅事係要全人類都要去take action只得，所以係應該要與唔同嘅新面孔一齊去合作宣傳呢件咁有意義嘅事！」入行近20年的阿Sa笑言，視宣傳預防HPV為拍戲、唱歌以外的另一份工作，感謝廣告商對她的支持。「我自己都會同身邊嘅朋友至親講，我嘅朋友都比我說服左去打針㗎！」
amJetso 送BIODERMA救星小紅瓶🩷護膚恩物 立即按此參加👇
