姜濤與3,000位姜糖慶祝生日。
MIRROR成員姜濤將於下周二(30日)25歲生日，一眾姜糖今日(23日，姜濤農曆生日)齊集海洋公園出席「海洋王國．生日慶典KEUNG TO OCEAN CARNIVAL 2024」，上午天文台雖發出黃雨警告，姜糖仍風雨不改支持。夀星仔姜濤下午於半露天的海豚探秘(前名海洋劇場)現身時，天公造美，逐漸放晴，姜濤真情剖白並清唱《好得太過份》送給姜糖，而在場的3,000名姜糖亦齊齊獻唱生日歌，姜濤主持切蛋糕儀式和許願後，與粉絲自拍，現身約20分鐘後離開。
鍾意姜濤，係咪值得驕傲？
儀式定於下午約3時開始，不少姜糖早於2時左右已陸續入場霸靚位，3時許先由舞蹈員獻上《MasterClass》和《黑月》舞蹈表演暖場，大約半小時後姜濤從升降台現身，他首先感謝支持他的fans，直言這兩年並不容易，經歷很多高低潮，相信在坐的fans亦一樣，「我甚至懷疑過下次生日會，你哋仲會唔會喺度，你哋繼續喺度支持我，相信都好唔容易，而家我好多地方都做得不足夠，很多時都覺得好對唔住大家，你哋向身邊嘅人講鍾意姜濤，其實係唔係一件值得驕傲嘅事？」
面對拉扯 盼能保持初心
姜濤表示，自己出道前往其他地方參加比賽時，好羨慕某些參賽者已有fans，對當年17、18歲的他而言，獲粉絲支持是很遙遠的事；轉眼間，他已快將25歲，「出道5年幾，發生很多事情，相信日後仍會繼續經歷，對我嚟講係好多磨練，自己仍要學習點樣更加成熟，同時保持初出道的初心，其實係件好難嘅事，講就容易，心裡不斷拉扯的過程。我希望在坐鍾意姜濤嘅，或我將來年老時，可以變成大家留喺心目中嘅種籽，可以令我哋下一代，都有一個追夢尋夢想嘅力量，你哋可以話俾身邊人以後嘅人聽，有一個人都曾經成功過，嗰個人叫姜濤，希望我哋身邊嘅下一代，都可以勇敢追尋夢想。」最後，他承諾必會努力做好，望能逐漸令對他抱負面印象的人改觀。
姜糖接力唱 場面溫馨
最後，姜濤清唱《好得太過份》送給姜糖，唱至後段時忘記歌詞，但姜糖立即接力合唱，場面溫馨。唱畢歌曲後，姜濤主持切蛋糕儀式和許願，並與姜糖自拍，結束生日慶典活動。
amJetso 送BIODERMA救星小紅瓶🩷護膚恩物 立即按此參加👇
