王敏奕出場時間雖然好短，但已經贏盡讚賞同焦點。
《婚後事》昨日(28日)播出黎諾懿全裸沖涼的畫面，為觀眾帶來視覺衝激。黎諾懿與賴慰玲的表現均贏盡好評，其中黎諾懿的角色由於重情重義，更獲網民封為「全劇唯一好人」：「呢啲Fd都算係咁，幫到盡」、「真兄弟先會患難中幫你」、「覺得痴情馬壯有啲可憐」、「唔想出手係因為唔想失去」、「句句對白都直插心臟」。
網民讚「眼神好有戲」
有網民認為黎諾懿演技大有進步，甚至指《婚後事》是他的代表作：「演技比以前好咗太多，簡單一句幫我換車都好有戲」、「眼神好有戲」、「絕對係代表作」。至於向來被公認好演技的Winki，則被指升呢人母後氣質及女人味均大大提升。
王敏奕角色散發誘惑感
昨晚一集的另一焦點則落在王敏奕身上，她在劇中扮演的Mira，無論舉手投足都散發著極致的女人味及誘惑感，與黎諾懿作了短暫式的針鋒相對，已令網民留下深刻印象，大讚敏奕突破了固有的憨直框框，成功殺出新血路：「家嫂好啱個角色」、「原來家嫂可以咁姣」、「呢套嘢選角真係好」。至於羅子溢的演出，亦令不少網民對他刮目相看，除了眼神流露不甘及怨恨，更激動得頸上的青筋一條條清晰地暴現出來，獲網民大讚「青筋都有戲」。
🎁 amJetso請你睇《焚城》，快Ｄ開APP玩👇 👇
