花姐驚喜客串做麻煩客。
由MIRROR成員姜濤、Ian（陳卓賢）、Edan（呂爵安）、Stanley（邱士縉）等主演的ViuTV原創劇《季前賽》，昨日（31日）播出第六集，劇集尾聲有MIRROR經理人花姐（黃慧君）驚喜現身，花姐在劇中客串飾演要求多多的麻煩客戶，令阿良（Stanley飾）等團隊都大感無奈。
飾演阿良客戶Susan的花姐，拿著小手袋出場，當阿良提議用近期最有名的網紅擔任代言人，花姐即反駁表示：「Oh My God！年輕人，你知唔知有消費能力嘅都係中年人呀？你有冇考慮過呀？等我諗下先，我覺得我哋要搵超級電影明星，啱唔啱呀？古先生呀！唔好同我講會議記錄，你做創意行業，識得變通㗎嘛！」她再表示：「我覺得踢波條橋麻麻哋，我諗過喇，不如草地滾球，係咪好主意？好有動感，我哋搵埋Stanley，再搵姜濤！」飾演阿良同事的陳子豐則說：「但佢哋經理人好難搞㗎喎！」花姐就笑言：「搵埋佢經理人」。節目出街後，不少網民紛紛留言：「好驚喜有花姐出現」、「花姐做返自己零難度」、「佢仲夠膽出嚟」。
🎁 amJetso請你睇《焚城》，快Ｄ開APP玩👇 👇
