官恩娜透露自己獨先前往蒙古，並拜訪薩滿。
官恩娜(Ella)外婆的遺產案現在高等法院審理，母親麥銀麗被指與「契仔」馮明業是男女朋友關係，而Ella父親官有權及妹妹官恩沂亦於今日上庭作供。官恩娜大嫂連日來上庭聽審，Ella則在社交平台發布她獨自前往蒙古旅遊的片段，影片見到她在當地拜訪薩滿（巫師）。
Ella在片中表示自己只是純粹想見識一下，自己亦沒有準備任何問題，但她被對方說出放在心裡的一件事而嚇一跳，她說︰「竟然一開口，就問咗一件令我耿耿於懷咗好耐嘅事。」影片見到Ella用手抹眼淚。
她說︰「最初只係懷着半信半疑嘅心情去到， 亦都冇乜嘢需要搵佢解決，只係好奇想知道咁出名嘅蒙古薩滿巫師到底係乜嘢一回事，真係估唔到佢一開口就問咗個咁樣嘅問題， 我唔方便喺度講佢到底問咗我乜嘢，盡量忍住啲眼淚，但太大衝擊最後都係喊咗出嚟！我諗喊嘅原因係因為突然有人提起一件心事，令我諗返起好多嘢。其實佢冇就住事件作出任何建議，我諗我只係嚇親。有人同我講佢可能識得心理學，又或者只係巧合，無論如何，唔希望大家過分迷信！我只係想同大家分享今次嘅經歷。」
當有網民留言問到對方跟她提及甚麼，她回覆說︰「咁私人嘅嘢唔方便講？ 敬請原諒。」她續說︰「其實佢只係講起件事令我嚇一跳所以我喊咗出嚟」、「只係覺得呢一部份好神奇」、「當日中間人同我講話如果需要驅鬼有另外一個薩滿巫師，突然氣氛變得好詭異，我說我不用驅鬼」、「佢只是說中了一件事，其實沒有給我建議，我喊嘅原因係因為佢提起呢一件事，令我一時返起好多情緒。」
