容祖兒體力有限拒絕加場

容祖兒演唱會門票昨日公開發售，結果18場門票迅速售罄。祖兒今日出席護膚品牌活動時對此表示：「非常開心。因為採取新措施壓制黃牛黨，內部工作人員都話唔夠飛。(會加場嗎？)加場就一定唔會喇，因為我體力有限。」

祖兒早前因病導致失聲，她稱病情已有好轉，「之前瞓覺不停咳，要坐喺度瞓。噚天接受針灸治療，效果非常唔錯。近日有唔少朋友都話我靚咗，少咗出聲，所以溫柔咗！」至於會否擔心稍後開騷時生病，她稱：「到時所有工作人員都要戴口罩，以防病毒傳播。」