朱Mic在Threads出po惹來網民熱烈討論。
小薯茄搞笑，成員朱柏熹(朱Mic)好搞笑，原來朱Mic媽媽仲搞笑。朱Mic日前在Threads分享與媽媽對話截圖。朱Mic話之前遺失眼鏡，就叫朱媽幫手搵。果然是世上只有媽媽好，朱媽一搵就搵到，仲影相給乖仔確認。朱媽說：「靚仔你係咪搵呢個眼鏡？」朱Mic大喜：「好似係，喺邊度？」朱媽回覆：「喺你個房個X入邊。」
咩入邊？究竟朱媽打咗個咩字呢。
朱Mic都諗唔通，諗到懷疑人生。
打咗「篩」音字
朱Mic在Threads留言：「究竟我阿媽打錯咩字？話說我早幾日唔見咗副眼鏡，就叫我阿媽得閒幫手搵下。果然阿媽搵嘢係叻啲，好快就搵到影埋俾我睇。正當我好奇問佢喺邊度搵嘅時候，佢咁覆我……(我估佢係想講個櫃)」。
之後朱Mic留言：「原來佢係想講『篩』，即係一個籃。係語音輸入嘅誤會。」
限時早鳥優惠 火速訂位 | am730母親節溫馨晚宴 $5000福袋等你拎!
