日本型男橫濱流星以品牌大使之身份成為時裝騷座上客。
巴黎時裝周正舉行得如火如荼，25歲日本人氣型男橫濱流星，今次獲邀出席Dior Summer 23時裝騷，以Dior日本區形象大使之身份成為座上客。
橫濱流星近年成為Dior寵兒，今趟是他初次踏足法國，而在抵達巴黎後，橫濱流星終可自由地脫下口罩呼吸新鮮空氣，見他留了鬍鬚，增添滄桑男人味，而此行亦獲安排四出觀光，更參觀Dior巴黎總店。及至星期五，橫濱流星趁睇騷當日把臉上鬍鬚全部剃掉，變回斯文靚仔，一身王子造型十分有型，而同場還有「黑珍珠」納奧美金寶（Naomi Campbell）、Justin Timberlake與愛妻Jessica Biel等，就連「萬人迷」碧咸（David Beckham）都帶同細仔Cruz以父子檔出席，橫濱流星亦有趁難得機會集郵，與Justin Timberlake合照留念，之後流星再換Look出席品牌的After Party。
另外，大熱韓劇《殭屍校園》上位男星朴所羅門，則以線上形式隔空參與今次Fashion Show。
🎁 amJetso請你睇《焚城》，快Ｄ開APP玩👇 👇
