張兆輝近年轉戰內地發展，密密接Job吸金力極強。適逢日前回港，張兆輝就特意拍攝影片記錄生活，並分享至抖音。片中，張兆輝直言香港停車場泊車費與內地相比落差大，連同早餐洗費，得出「香港物價好貴」結論。
張兆輝揸住架百萬名車到某停車場泊車，坦言覺得泊車1個鐘要港幣38元好貴，仲對比內地泊車費用：「38蚊1個鐘嘅停車場都泊滿晒咁多車，因為呢度真係實在冇乜地方俾你停車，所以喺內地即係車位，其實真係泊得好開心，隨時點泊都唔使咁貴都可以泊一日。」張兆輝又表示泊車費就快貴過個早餐，同時曝光自己嘅早餐，僅一碗沙嗲牛肉米加一杯熱奶茶就需要港幣40元，加埋泊車總共港幣78元，令佢感嘆香港物價指數高：「在那麼多城市生活，每個城市像人一樣，有優點也有缺點 ，大家多多包容能令世界更美好，繁榮的香港就是物價指數高。」
不過有網民就錯重點，將焦點放於張兆輝身材及保養得宜之上，張兆輝當日穿上緊身上衣拍片，被大讚零肚腩，更有網民驚訝點解食咁高卡路里嘅早餐都可以keep到咁fit。
原文刊登於 Yahoo娛樂LOL，am730獲授權轉載
🎁 amJetso請你睇《焚城》，快Ｄ開APP玩👇 👇
