MC(張天賦)及Kaho(洪嘉豪)於九展Starhall舉行的3場《Kaho x MC Frenemy Live 2022 演唱會》，昨晚(4日)已圓滿結束。Kaho在完騷前表示，短期內兩人不會合體，他會「行先一步」今年內開個人演唱會，而出道不足兩年的MC亦已籌備開個人騷。兩人完騷後受訪時表示，沒想過繼麥花臣後再度合體開騷，這次會一票難求，很多「賦二代」及「院友」為求親身看偶像表演而買黃牛，當晚更有fans因此受騙買了假門票，他們大表心痛，並承諾會盡力確保「真fans」能優先訂票。兩人均表示暫未能公開個人騷的日期和地點，MC被問到是否進駐 #紅館 時，他就大派定心丸，「總之係大型演唱會，夠坐。」
齊齊向跳唱進發
兩人完騷後高呼不捨得，並親自解釋跳舞黑面事件，Kaho表示：「其實我係俾人呃，本來話輕鬆郁吓身，點知愈來愈多舞步，純粹handle唔到覺得唔開心，無乜表情。」MC直言差點因「黑面Kaho」而發脾氣，「我覺得Frenemy個Show所有嘢應該共同進行，我已經跳緊，佢喺隔離只係郁吓，後來佢都好配合。」Kaho向拍檔鄭重道歉，他自言每次學新事物都感困難，但克服了就很會開心享受，他再次多謝MC迫他跳舞作新嘗試，並揚言：「喺舞台表演終於有第一次，希望嚟緊嘅solo演唱會都會有跳舞環節，因為已豁出第一次。」MC亦表示會籌備推出跳唱作品，但仍需多下苦工作準備。
Kaho被MC嫌阻住倒立
在演唱會中，MC在solo跳舞環節於舞台邊翻滾碌地，自嘲似熊貓翻唔到身，他笑言：「本來排舞師有準備，但當時我唔記得舞步，惟有求其做，跳得唔型都希望好笑。」Kaho自言救了MC，卻反被MC指阻住他倒立，當問到會否在下次的個人演唱會再表演倒立？MC就笑言可一未必可再，更直指Kaho是罪人，阻礙了觀眾欣賞他獻技。
amJetso 送BIODERMA救星小紅瓶🩷護膚恩物 立即按此參加👇
