MC舉行的跨年騷與「賦二代」迎接2025年。
MC張天賦正在澳門舉行5場跨年演唱會《This is MC 2 LIVE IN MACAU》，與「賦二代」倒數迎接2025年。昨晚除夕，MC特別在歌單上新增《乾》、《最低保障》和《Good Time》，更首唱早前因系統出錯、意外流行的今年第1支新歌《說謊者》。MC說：「準備我哋嘅迎新活動，呢隻歌呢⋯⋯好曳好曳，本來我哋定好咗佢幾時出嚟，但佢偷偷地走咗出嚟，有啲朋友就已經聽過，但live呢？就未聽過，呢首歌過咗12點就會出，呢首歌就係《說謊者》，送俾大家嘅新年禮物。」
MC應承粉絲今年晒腹肌。
MC與「賦二代」首次倒數。
8變6變4
第一次與歌迷倒數的MC有點緊張，特別是大屏幕出現倒數數字時，歌迷突然大叫：「除衫！」MC笑說：「距離仲有兩分鐘，我哋不如許下新一年嘅願望，我拍完戲之後應承自己，一定要有8嚿？唔係8嚿，6嚿。呀……4嚿腹肌喇！我一定要2025年騷一次俾大家睇，仲有強而有力嘅臂彎。除衫唔係今日，今次係我第一次同5,000人倒數，祝大家新年快樂！身體健康！」隨即MC唱出《Good Time》及《世一》。
澳門騷歌單增加歌曲再唱新歌。
amFUN聖誕狂賞🎁狂送UNICO迷你遊戲機、主題公園門票、Panasonic鏡燈👉
