張敬軒今日將往澳門為演唱會作準備。
張敬軒將於本月15日至明年1月7日期間，假澳門倫敦人綜藝館舉行13場《the PRIME CLASSICS HINS LIVE》演唱會，向來寵粉的他早成功爭取為官方歌迷會留過萬張演唱會門票，以確保每一個會員都買到演唱會門票，不過他卻計漏了為軒媽預留的門票，昨晚(12日)他於社交平台跪求演唱會門票，成為史上首位為自己演唱會撲飛的歌手。
堅時不買黃牛
張敬軒留言表示「我聽日(13日)去澳門彩排，今晚呢個鐘數排完舞仲做緊分飛燕, 又想照顧好啲朋友，又覺得自己應該落手去處理，點知自己金魚記憶轉個頭就唔記得咗幫人落少咗飛，實在走投無路出此下策, 跪求12月16號 $1680 門票10張, 12月31號 $1680 門票四張，如果冇會斷六親, 但只限正價另加手續費購買，有冇人可以幫幫我。」
軒公向來風趣幽默，起初有歌迷以為他說笑，留言「你都有今日」，後來知道他是認真，冒著斷六親的風險，仍堅持不買黃牛，大量歌迷願意割愛，不斷問他要唔要自己手上日子的門票。另外，有歌迷建議軒公偷偷加多行椅子，可能比求飛更容易。
amJetso 送BIODERMA救星小紅瓶🩷護膚恩物 立即按此參加👇
