自言首次玩變臉App的軒仔，跟肥媽撞樣。(張敬軒IG)
時下流行玩變臉App，不過App唔好可以亂玩。昨晚張敬軒卻在社交平台表示，一直未玩過FaceApp，直至昨晚首次玩變肥App，就為網民提供笑料，皆因軒仔上載自己的變臉相，跟肥媽撞樣，被網民瘋傳恥笑， 跟肥媽合作做主持的陸浩明「六號」率先留言，揶揄一番，「你冇化妝，唔好以為我唔認得你...呀，肥媽！」而歡喜冤家王菀之則留言：「溫馨提示，你po錯咗未用app嗰張呀。」阿Sa亦抵死表示，「懷疑係原圖。」
一向玩得的軒仔回應，「我已經delete咗個App #完」並發揮幽默本色，以Hashtag留言，「#識唔識唱甜蜜蜜吖 #在哪𥚃在哪裏見過你 #我好似真係有見過呢位阿姐 #人生於世上有幾個知己多少友誼能長存」不過，網民的瘋狂留言和恥笑，沒完沒了，軒仔在深宵再次在限時動態回應：「可唔可以俾我唞陣。」
在網民熱烈討論後，軒仔在限時動態留言。(張敬軒IG)
amJetso 送BIODERMA救星小紅瓶🩷護膚恩物 立即按此參加👇
