張玉珊、汪詩詩、汪圓圓和周勵淇等，前晚盛裝出席齊惜福慈善籌款晚宴，甚少在幕前現身的張玉珊表示：「我一直好努力做慈善同生意，雖然有人搵我演女強人角色，不過自己好耐冇面對鏡頭，演技應該會唔太自然，怕演得唔好呀，所以最後都推咗齣戲。」張玉珊指，還是做回自己的生意工作較好。
汪詩詩忙到冇時間見子女
已是三子女之母的汪圓圓表示，「忙緊子女入學同升學問題，依家頭痛緊呀，因為自己唔係響香港長大，唔識香港得學校嘅情報，搞到個人好緊張，四圍去問朋友揀校嘅問題。」其姐汪詩詩則稱，「自己一對子女經已長大啦，佢哋有自己生活，個女好乖，好緊張自己嘅功課，個仔就忙課外活動同補習。」汪詩詩指，自己和丈夫甄子丹一起工作很忙，很少見到子女。
amFUN聖誕狂賞🎁狂送UNICO迷你遊戲機、主題公園門票、Panasonic鏡燈👉
