阿聰阿Kay加Kakaball一家人襯晒衫。
張繼聰與謝安琪(Kay)的7歲女兒張靖(Kakaball)昨日出席動畫《魔海奇緣2》首映禮，父女首度合作聲演動畫中角色「茂宜」和「茜美雅」。張氏夫婦與女兒黑白打扮襯到絕，Kakaball面對傳媒拍照表情多pose多，答問題又有大將風範，搶盡父母風頭。Kay在IG留言：「Kakaball今次聲演「茜美雅」，是「幕安娜」嘅妹妹，張先生聲演戲裡戲外一樣咁大隻嘅茂宜。今晚一家人齊齊到戲院支持，第一次聽到製成品，我哋全家都好興奮好開心。」
Kakaball淡定面對傳媒，絕對有做藝人DNA。
聲演動畫主角「慕安娜」是女團Lolly Talk成員吳倩怡(Sinnie)。
Kakaball興趣多
阿聰表示Kakaball希望日後做配音員，同爸爸拍戲都得。阿聰說：「拍戲要睇機會，做戲係比較複離，我一定係佢演技導師啦。因為背台詞好長，又有大人成日講嘅俚語。」Kay就話囡囡興趣多多，藝術、音樂、舞蹈乜都想試。最近仲學打鼓。「唔想小朋友只係玩手機，所以安排佢上興趣班，但絕對唔會強迫，Kakaball最近放棄彈琴，我哋都無所謂。」
