張致恒與老婆雯雯被網民封為「丐幫界KOL」。
張致恒（Steven）與太太區燕雯（雯雯）經常於網上呻窮，雯雯亦透露老公藉口多多唔去見工。終於，早前Steven得到內地登台機會，有收入養家。日前Steven再次到內地登台獻唱，卻被大爆歌酬。
有網民在社交網分享短片，片中見Steven今次登台除大唱代表作《死性不改》，還唱昔日拍檔關智斌的《眼紅館》，不過卻遭網民鬧爆他借舊拍檔刷人氣，而片主則留言：「人家努力賺錢，支持一下」，被問到邀請Steven要多少錢時，他表示七萬。歌酬被爆出後，Steven立即在社交網貼文反擊，他表示：「拜託你唔好亂寫可以嗎？搞到個個都嚟問我係咪收七萬，係收七萬我就唔使咁閉翳啦！」而老婆雯雯亦表示：「七萬？如果係，我而家唔使咁乞丐」，網民都表示公開歌酬會吸引大批債主追債。
和記行集團70周年聖誕送7大厚禮🎁 冷氣機 |風扇 |車用揚聲器 立即帶返屋企👉
