張致恒早前被揭一家搬屋避債。
張致恒(Steven)被𡃁模馮鎵瀠（Naomi）公開追債，而且債主不止一位，其餘的有張彥博、林盛斌等。雖然Steven發文道歉，表示因為失業無力還債，承諾有拖無欠。早前有人發現Steven位於元朗的村屋被貼滿追數街招，信箱塞滿追數的信件，就連他的電話也停用，一心避債。
雯雯指Naomi找人騷擾其家人，為的是還2萬欠款。
借財仔度日
自Steven被揭借錢不還之後，他的太太雯雯清空社交平台，今日晚上突然重新發文，千字回應Naomi。她在文中指非常感謝Naomi向他們借出兩萬元，並澄清「我哋一家冇消失亦都冇走佬」，更自揭借財務公司還錢︰「我哋去到絕路已經去咗借財務，去還一半錢俾你先，好抱歉我哋冇能力一次過還清二萬蚊俾你，我哋亦已經承受緊我哋要承受嘅，比財務貼街招甚至追上門。」又謂會盡自己能力在兩個月內還清餘下的一萬元。
斥Naomi為追債騷擾家人
不過，雯雯就指摘Naomi的追債手法有問題︰「點解叫我哋還錢嘅時候，要用我屋企人嚟威脅我哋去還錢俾你？點解要講到搵人去騷擾我嘅媽媽，拎返屬於你嘅錢？」並向對方求饒：「你有咩不滿可以嚟搵我，但係我拜托你唔好騷擾我嘅家人。希望你可以放過我嘅家人。」雯雯在文中承認他們的經濟出現很大困難，而這段時間很感激親戚的幫忙，並透露Steven最近亦開始有工作，「每次有收入嘅時候，我哋都有逐一去還錢比人，當然我哋冇本事冇能力可以立刻每一個人都即刻還清。」
雯雯指Steven如今有工作，希望日後可以逐一還錢予所有債仔。
為Steven求情
對於他們欠債仍生活充足，雯雯就指他們只住村屋其中一層，租金與以前相若，強調家中的愛犬是她的命根，並不會因為經濟能力而棄養牠們。她又為Steven護航︰「一個男人衰鹹濕衰貪玩，係咪就要判佢死刑？既然佢而家咁努力去生存，點解唔可以俾啲時間佢慢慢做返好佢照顧兩個小朋友。我自己係單親家庭，無論幾辛苦，我都唔希望我嘅小朋友要行返我條路，大家可唔可以高抬貴手，俾我兩個小朋友可以有一個爸爸。我哋一家四口可以生存落去。」
到最後，雯雯強調會盡力還清所有欠債︰「我哋從來冇消失過亦都唔會走任何人數，只係希望大家可以俾少少時間我哋，每個月可以生存到之餘亦可以去逐一還返錢俾你哋。」
雯雯寫下千字文，向Naomi解釋。
和記行集團70周年聖誕送7大厚禮🎁 冷氣機 |風扇 |車用揚聲器 立即帶返屋企👉
