今次徐加晴與Rapper KZ一齊合作。
徐加晴(Rona)早前推出新歌《未來未來》，今次找來首次合作的潘雲峯及Rapper KZ分別主理編曲監製和說唱部份。新歌主題來自疫情對Rona的啟發︰「最近一年社會都受疫情困擾，大家都接觸不少諷刺的新聞，難免感到無奈和憤怒。但只要沉住氣，對未來抱存希望，人人都將可成為火鳳凰浴火重生。」
MV落足本打造場景。
加晴今次的MV用了6位數字去完成，她感謝美術組團隊為她搭建了不同的場景，令MV畫面更豐富 。問到拍攝難忘事，加晴稱在大火前演唱，令她非常緊張：「因為我要拋個火把去燒個樹窿，我自己都幾緊張下，我都驚拋唔中然後燒著其他嘢，好彩MV最後都順利完成拍攝。」
她笑言今次擲6位數字炮製新歌「算係盡地一鋪搏一搏」，幸她仍有其他工作幫補︰「自己近期都開設左個人嘅水晶鋪頭幫客人占卜趨吉避凶，所以靈感來源大多都係因為呢個新轉變而來。」她又指在MV眾多造型中最喜歡火鳳凰的造型，她說：「因為占卜期間都接觸到好多唔同嘅客人，佢地都唔係太睇好將來，所以啟發到我用火鳳凰呢一個角色去鼓勵大家要對未來抱存希望，好似火鳳凰咁浴火重生。」
入App拎12大商場蛇年利是封
