靚湯被問到係咪奉子成婚。
由李思捷主持及監製的《思家大戰》最新一集有黃智雯率領的「隱門」隊，成員包括湯洛雯、吳岱融、盧宛茵和阮浩棕，對戰由家庭觀眾「鍾定英」劉嘉莉率領的「hkliondance」隊。
吳岱融化身賊王葉嘯天晒奸樣。
吳岱融盧宛茵狂變臉
在熱播劇《隱門》中飾演賊王葉嘯天的吳岱融，應思捷要求大騷演技，分別晒出「奸到出汁」和「奸得嚟有原因」的樣子，贏盡全場掌聲。飾演惡奶奶的盧宛茵則自言劇中是雙面人，隨即晒出「開心的笑容」和「唔妥新抱的笑容」，畫面過癮。飾演乖細佬的阮浩棕則預告劇情，大賣關子謂：「我都係葉嘯天個仔嚟，我會唔會乖到尾？大家自己睇啦！」
惡奶奶盧宛茵大晒演技。
靚湯否認迫婚
今集遊戲環節，其中一條問題「筍盤男結婚封盤，係因為個女仔乜嘢呢？」，當中有人答「大咗肚要埋單」，思捷即鬼馬地問快做人妻的靚湯：「你係唔係呀？」，靚湯反應竟是害羞遮面，非常可愛。輪到靚湯答這條題目時，她先先說：「女仔迫婚」，但事後卻強調自己沒有：「但我唔做呢啲嘢㗎，唔信你問佢（馬國明）喇！」
靚湯被問到係咪奉子成婚，即時怕醜到遮面。
靚湯表示自己不會迫婚。
和記行集團70周年聖誕送7大厚禮🎁 冷氣機 |風扇 |車用揚聲器 立即帶返屋企👉
