Helen帶mitmit行山同游水，照顧周到。
譚凱倫(Helen)於16年參加ViuTV選美節目《美選D.n.A》入圍最後十強，翌年簽約ViuTV成為藝人。於原創劇《太平紋身店》飾演理髮店老闆的她，最近為ViuTV拍攝偽旅遊節目《異國風情畫》日本篇。原是寵物美容師的Helen，家中有隻可愛Poodle及暹羅貓，因為太寵2隻寶貝，朋友形容Helen是怪獸家長。
撰文：畸豬
小時候養過魚、烏龜、倉鼠的Helen，曾在街上拾獲奄奄一息的蝙蝠和雀仔，並將牠們帶回家養，愛心爆棚。Helen笑甜甜講到現在的貴婦狗Mitmit及暹羅貓肥豬：「8歲的Mitmit是囝囝，愛撒嬌又膽小、只顧食。佢生氣時會四處瀨屎，不過佢好少發脾氣。8歲肥豬是女，2018年領養，佢都好黐身，但膽子大、頑皮愛舔人。」
Mitmit膽子小又很活潑。
暹羅貓肥豬愛撒嬌又貪吃。
24小時貼身膏藥
肥豬是Helen於18年主持ViuTV節目 《晚吹——喵喵喵》時，其中一個嘉賓的貓Cafe執笠，剩下2隻貓冇人要，於是她領養來陪伴Mitmit：「肥豬膽子很大，所以揀牠養，在家過了適應期，牠與Mitmit相處融洽，有時肥豬會整蠱Mitmit，但牠們從不打交。」Mitmit與肥豬不怕陌生人，朋友都受到牠們熱情款待。2隻都是Helen的寶貝：「最sweet是Mitmit與肥豬好似貼身膏藥，24小時都要我抱，又會陪我去廁所，瞓覺都會黐我黐到實一實，很少會搗亂。」
肥豬會整蠱Mitmit，但牠們只會追逐不打交。
冬天行山夏天游水
Helen自小愛照顧動物，長大後常做貓、狗義工，之後更成為寵物美容師：「我較獨立，愛與動物相處多過與人相處，加上沒有屋企人，我的人生很多重要時刻，都是寵物陪我度過。」Helen視Mitmit和肥豬如同親生，朋友都說她是怪獸家長：「冬天我會帶Mitmit行山，夏天就會帶牠游水，牠運動量很少，大半時間都是需要我抱，希望牠能做多些運動，讓牠多接觸大自然，可以開心一點。」Helen表示，平日好慳，將最好的給牠們，希望牠們長命百歲。
入App免費換走健康產品
