大小姐整膠自己塊面，非常好笑。
《愛．回家之開心速遞》昨晚一集單元名叫「誰是膠面人？」明顯是回應「大劉」劉鑾雄曾指劇中有女演員是膠面人。劇情講到古天祥飾演的油王意外暈倒，但就被一位膠面女人救了他，於是他四出尋找這位膠面恩人。油王講明這位恩人又硬又膠，眾人很快聯想到三太，指她成日打美容針。
由於三太樊亦敏剛去打美容針，她也自覺太膠，於是遮面見人，甚至用鬆肉粉整自己塊面，但油王指三太不是膠面人。及後「大小姐」林淑敏用銀彈政策，要求幾位女士整膠自己，當中包括「熊若水」呂慧儀、「群姐」許思敏、「Candy」葉蒨文及「素素」古佩玲等。於是眾人出盡方法，就連大小姐亦利用蠟像的技術變「膠」。最後，救油王的恩人原來是一個機械人，令大家白費心機。
網民：「大劉特約」
大小姐在IG分享當日變膠的化妝過程，她說︰「點可以令塊面firm啲，可以好似髮型師用大戲『吊眉』嘅技巧，將對眼戚上去，膠面就咁發生。」
當日大劉指《開心速遞》中有一位膠面女星，當時大家曾猜測是樊亦敏、林淑敏、滕麗名、古佩玲及葉蒨文等，但網民均認為古佩玲的嫌疑最大。不少網民認為今集為大劉訂造，相信他看得好開心，並笑言應該叫「大劉特約」。
amJetso 送BIODERMA救星小紅瓶🩷護膚恩物 立即按此參加👇
