黃秋生憑住《淪落人》精湛演出，橫掃多個獎項，相信金像獎男主角一獎也是他囊中之物。秋生大可開開心心出席金像獎，然而他仍在考慮之中，怕得不是失去獎項，而是怕影響金像獎這個節目。
「我費事係俾人剪，到時你個金像獎冇咗個男主角就冇謂啦。唔想影響到人，最緊要唔係話小氣，真係唔係，第一，做乜要自取其辱，第二，我又唔想影響人，影響人哋成個節目又有咩意義，如果假設真係我。」
秋生自稱「佛地魔」---一個不能提起的名字，凡有他出現的作品，在大陸播放的話一律剪走，如果鏡頭避不了，就會放大畫面，簡單來說，是封殺。換言之，秋生亮相金像獎，若然他上台發言或獲獎，大陸電視台會立即轉播廣告。
「我做過啲咩令到一個國家，唔知一班整體嚟對付我？」
提到被刪剪，早前大陸播出由他主演的《心冤》，秋生說起就冒名火起︰「拍個陣話冇大陸，你突然間咁樣即係點，跟住將我配埋音，然後個把死人聲都唔知係咩嚟嘅，冇資格去配我！你比筆錢侮辱我呀？」看看大陸網民的反應，他們對秋生並不討厭，更批評刪剪過的劇集不好看，寧願尋找完整版看秋生的演出，可惜大陸政府就是容不下他。
「買衫都要錢，我又冇錢，呢幾年大家都知我幾窮。」秋生說。
amFUN聖誕狂賞🎁狂送UNICO迷你遊戲機、主題公園門票、Panasonic鏡燈👉
