擺明唔睬樂易玲陳恩德讚曾勵珍醒目

「蟲草大王」陳恩德昨日以「人間有情慈善基金」創辦人身份，與楊證樺及太太沈可欣、林希靈、黃愷怡及張明偉等，一起到粉嶺派福袋。陳恩德主動提到有跟李佳芯透過短訊拜年，但不肯講對方有否回覆。

談到無綫禁止李佳芯在活動上與他合照，他要求樂易玲交代，問及樂易玲有否與他聯絡，陳恩德稱已交由同事跟進，再問與樂易玲有否傾偈，他說︰「冇咩特別睇法！」提到廣告改到ViuTV播放，他認為在不同渠道宣傳是好事，並指廣告在新年才播出，未能很快看到成績，加上現時公司主力推NFT，令產品廣告不會太多。

網民認為樂易玲與無綫另一高層曾勵珍，是時候退下火線，陳恩德就大讚珍姐轉數很快︰「每次同佢開會都俾佢鬧，一啲面都無俾。講笑啫，佢俾咗好多意見我。」問到珍姐有否介入化解事件，他說︰「冇必要拉一個冇關係嘅人入嚟，我唔想破壞大家關係。」