Regen憶述發病病徵，但不知感染源頭。
本港第五波疫情嚴峻，確診數字每日上升，娛樂圈繼C AllStar成員陳健安(On仔)、ONE PROMISE的天衡和Anton、商台《十八樓C座》4名播音員、《公子會》劉翁、商台DJ麻利、林欣彤、TVB《聲夢傳奇》學員潘靜文等確診後，前HotCha成員張惠雅(Regen)，今日傍晚在IG貼上快速測試呈陽性的照片，並以長文分享發病經過及病徵。
於長洲開Cafe的Regen表示，連日大雨所以亦未有開舖，同時保證餐廳暫時會停業，直到negative為止。Regen稱於20日凌晨發病，她憶述發病病徵，但感染源頭不明：「發病係20號，19號晚瞓瞓下覺有啲周身骨痛，估自己因為19號我喺室外橫風橫雨嘅時候，喺度吹風淋雨咗好耐而吹病咗，因為隔離舖都有keep住做檢測都係陰性，我就無覺得係中咗Omicron(本人好宅，基本上平時我都係唔出街困喺房唔接觸人，所以源頭唔太清楚，屋企人都無感染無症狀，不過屋企人呢排都會一齊留喺屋企)，之後我煲咗個熱檸樂煲薑，飲完好快就嚟料，啲鼻水湧出嚟，不過都係流咗一晚啫，之後鼻水都收晒。」
快速測試呈陽性，更發燒至35度幾。
發燒時忽冷忽熱
Regen指病發時有發冷，稱發得燒係一定會發冷，「我食咗日本嗰隻感冒藥，食完好快見效喉嚨唔太痛。不過藥力退咗，都係有發燒發冷，但係又唔算嚴重，之後兩日都係燒下唔燒下，同埋開始喉嚨痛，但係我又唔係痛到好嚴重，定係我忍得痛定點，今日22號起身喉嚨痛好咗啲，咳都係一兩聲，痰都係一兩篤，我無幫自己探過熱，除咗去買快速測試時候門口嘅探熱，不過係人都知個探熱係廢嘅，我頭先度到係三十五點幾度。」
Regen認同可以與病毒共存。
從未接種疫苗 病發似感冒
Regen還在列出她曾去過的地方，強調全程都有狂噴消毒。原來她未打針，：「都係傷風感冒咁樣，睇下之後幾日病情點樣，我update下比大家知。原本都覺得中Omicron係遲早嘅事，前幾日未知自己中嘅時候，仲嘆氣點解要呢個時勢吹病自己，要自己喉嚨痛兩次，所以當我見到positive嘅時候，係鬆咗一口氣。……個人經驗，我唔鍾意食生果，但係呢幾日狂食柑同有食啲蕉，喉嚨好乾但係無胃口，口淡淡，噚晚仲覺得自己無食嘢幾日好弱，喺度做深蹲，謝謝。」
病發時，Regen仍可照顧自己。
立即更新/下載AM730手機APP 體驗升級功能
