《新四十二章》昨晚播出第十集，周嘉洛甚有發揮。
由陳豪、周嘉洛、龔嘉欣、鄭子誠、江嘉敏及鄺潔楹等合演的TVB新劇《新四十二章》，昨晚播出第十集，周嘉洛、江嘉敏及鄺潔楹均甚有發揮，當中演柯仔的嘉洛更剝衫演出，結實肌肉睇到觀眾大飽眼福。
新一集劇情交代柯仔因為突然回家，以致偷偷摸摸到訪其家中的Mon姐（江嘉敏飾）嚇到四圍匿，因而鬧出不少笑話。該個場口嘉洛在家中打大赤肋時間長達兩分鐘，結實胸膛及線條分明的六嚿腹肌更是相當吸睛。其實是次並非嘉洛首度晒肌，之前在《痞子殿下》及《愛‧回家之開心速遞》中亦有養眼演出。不過嘉洛受訪時卻謙稱自己身形不算好，並笑謂身上線條是靠拍劇操出來：「好唔好其實見仁見智，如果你話線條我係有嘅，因為經常消耗多過吸收，加上有時拍戲都會有郁動，所以唔需要刻意操，上鏡都好似有啲嘢睇，但真人就其實好瘦。」
amJetso 送BIODERMA救星小紅瓶🩷護膚恩物 立即按此參加👇
