勁爆作曲由《鑿》的Ian陳卓賢奪得，但冇人領獎。 (林俊源攝)
《新城勁爆頒獎禮 2024》今天(28日)於下午三時假灣仔會展舉行，由香港輪椅羽毛球運動員陳浩源、方健儀、范振鋒擔任大會主持，並以樂壇ｘ體壇「我們的驕傲」作為主題。
今年頒獎禮破天荒由下午茶時間頒到黃昏時段，可惜是次年度盛會仍欠一線歌手撐場，MIRROR亦全體缺席，更有不少冷場，氣氛頗尷尬，幸有張敬軒趕來領獎。當頒發一眾勁爆音樂人殊榮時，勁爆作曲、勁爆填詞、勁爆編曲、勁爆監製，分別由《鑿》的Ian陳卓賢、《唞》的梁栢堅、《靈魂奇異點》的Zarahn及《My Type》的JNYBeatz獲獎，結果只得奪勁爆監製 的JNYBeatz到場領獎，其餘三位得獎者均未有出席，畫面冷清。
另外，大會頒發勁爆播放指數歌曲時，由香港紅返內地的王嘉爾（Jackson Wang）的歌曲《Feeling Lucky》成為得主，劍擊運動員出身的Jackson特別拍片講得獎感言，自言「好鍾意新城」，表示今次無法出席領獎，聲稱有機會日後一定會出席勁爆頒獎禮，最後更十分識做說：「新城I love you！」
amFUN聖誕狂賞🎁狂送UNICO迷你遊戲機、主題公園門票、Panasonic鏡燈👉
