佘詩曼貼幕後花絮片 。
無綫劇《新聞女王》前晚播出大結局，一眾主角均表現依依不捨，其實自該劇播出以來掀起無數熱話，佘詩曼的演技更大鑊好評。昨晚，阿佘在社交網貼出副導演剪輯嘅幕後花絮片，當中記錄了拍攝時的一點一滴，阿佘寫道：「2023 年嘅九個月裏面，呢部戲拍咗三個月只係播咗個半月，但係留低咗好多回憶，全部都係美好嘅，會記住你哋每一個嘅笑容同笑聲，願所有人都閃閃發光，最後送上由副導演剪輯嘅幕後花絮，多謝所有支持 『新聞女王』嘅每一個你，祝2024更加精彩」網民都紛紛留言追問：「幾時有續集？」
另外，昨日(23日)阿佘出席慈善活動時，被問到是《萬千星輝頒獎典禮2023》「 最佳女主角」及「大灣區最喜愛TVB女主角」大熱，阿佘表示當天（1月14日）本來有工作，但現正努力調配時間，希望能出席，並坦言最希望攞最佳劇集獎，因為大家好畀心機。而她與林峯合演的劇集《家族榮耀之繼承者》已安排明年播出，相信很快便會再跟觀眾見面。
和記行集團70周年聖誕送7大厚禮🎁 冷氣機 |風扇 |車用揚聲器 立即帶返屋企👉
