方力申任婚宴嘉賓獻唱失戀歌《好心好報》 網民：真係大吉利是
「飛魚王子」方力申（Alex）喺2016年與鄧麗欣（Stephy）結束10年情，之後曾與陳瀅、馮盈盈等多位女星傳出緋聞，去到今年年頭，佢終於成功脫單，同年輕藝術家Maple Yip蜜運中。
方力申除咗熱愛游水之外，同時亦專注娛樂圈工作，近日佢仲北上吸金，喺新會、台山、佛山等地方出席活動，期間佢獲邀出席佛山一個婚宴作表演嘉賓，即將獻唱苦情歌《好心好報》，結果被網民恥笑。
「完了吧 如無意外」
有網民將影片上載到小紅書，並寫上「啊啊啊啊！ 拖（托）新人的福！ 在現場看到方力申的演唱會！！！ 」喺影片中，方力申著上藍色西裝，狀態大勇咁喺台上獻唱代表作之一嘅《好心好報》。
雖然現場人士都出現興奮，拎起手提電話拍片留念，不過一班網民就恥笑佢係唔係「贈興」，留言話：「結婚請方力申，真係大吉利是」、「完了吧 如無意外」、「真係大吉利是囉，婚禮搵万刀甲，都係想離婚收場」、「真係多謝佢咯，人地結婚唱晒失戀歌」及「唱呢首歌，真係啋過佢咯」等等。
原文刊登於 Yahoo 娛樂圈
和記行集團70周年聖誕送7大厚禮🎁 冷氣機 |風扇 |車用揚聲器 立即帶返屋企👉
