城城自稱family man，空閒時間多陪伴家人。
郭富城(城城)今日(16日)出席麥當勞聯乘Baby Shark推動環保的發布活動，身體力行推動環保訊息。近日城城太太方媛化身真人「芭比」拍攝甜美短片，獲網民大讚漂亮及皮膚好，又指他真會選太太，城城聞言後非常開心，「我代太太回答，多謝大家讚賞。(哪你甚麼時候扮Barbie男朋友Ken？)其實我同太太唔同工作崗位，佢鍾意推廣美容同時裝，而我就一定係舞台同電影工作，未來會搵國際級排舞老師合作。」
方媛扮Barbie被網民大讚是「最美的Barbie」、「Real Barbie」。
自稱Family man
近日城城被拍到買珠寶給太太，他稱：「佢咁辛苦，又要相夫教子，加上生日，作為老公點都要送小禮物，好正常。(你幫她慶生的酒店好漂亮。)囡囡當時去咗上海，依家我係family man嘛。嗰間酒店我最欣賞係無人機表演，真係大開眼界，未來我應該會返內地做巡演，考慮緊加入無人機元素，睇睇可唔可以加入表演環節。」
城城出席麥當勞與Baby Shark聯名的環保活動。
女兒變得愛每事問
城城大女兒「大寶」將於9月生日，他在台上稱考慮於麥當勞為女兒舉行生日會：「其實要視乎囡囡意願，小朋友一定想要大party，請晒全班同學嚟玩。」城城又透露，大寶即將升讀小學一年級，目前已有很多自己想法，以及「每事問」的性格，他說：「我要好耐心去解答。」
城城指，未來工作準備到內地舉行巡演。
amJetso送香港迪士尼樂園成人一日門票 ⬇️⬇️立即開APP參加⬇️⬇️
