文凱玲表示BB名字在出世後才改。
現年41歲的「」文凱玲(Connie) 曾參演《一舞傾城》、《狀王之王》而為人所認識，今年三月文凱玲與拍拖5年的圈外男友Jason 奉子成婚，而預產期在七月底的她，日前便在社交網大曬與老公一起拍攝的甜蜜孕照，並透露陀B女。
文凱玲表示：「知道有咗嘅時候覺得好幸運，畢竟喺醫生眼中已經係超高齡產婦，產檢嘅時候唔同嘅醫生同護士知道係自然懷孕都會話好難得。」她續指陀B 期間冇特別戒口，亦冇什麼禁忌 ：「已經8個月一直好忙，開頭係工作，之後籌備婚禮然後忙住搬屋。忙起上嚟好多時會唔記得自己大住個肚，成日俾身邊嘅人叫我唔好行得咁快！」 她又指BB在肚裏面好活躍：「成日都覺得佢好似游緊水，之前係自由式，最近變咗蝶式。而家隔住個肚都見到佢郁緊。每次BB郁，我都會同佢傾吓偈，老公亦都好鍾意摸住個肚，BB一郁佢就會笑得好開心。」文凱玲昨晚在社交網上載短片宣布今胎陀B女，儀式由老公負責刺穿大氣球，飄出大量粉紅色的小氣球，至於BB名字就出世後才改。
amFUN聖誕狂賞🎁狂送UNICO迷你遊戲機、主題公園門票、Panasonic鏡燈👉
