蔣麗莎今日帶小朋友到又一城溜冰，搞到嬲爆離開。
4位小朋友非常喜愛溜冰
今日下午，陳浩民老婆蔣麗莎帶小朋友到又一城的溜冰場，原本開開心心的親子時間就因為一張凳搞到她和一名金髮女人互相爭執。 按蔣麗莎所說，當時她的女兒因為跌倒扭親腳，於是蔣麗莎就找了一個位置坐下為女兒換鞋。豈料被背後一名女子推開，指蔣麗莎不能坐，因為放在椅子上的書包有貴重電腦。當時蔣麗莎抱著小朋友，但遇到這種情況，令她非常生氣，她稱當時「幾乎是半靠在椅子上，位置少到可憐！」未幾她拿起手機拍下對方，並和對方理論。
金髮女同蔣麗莎為一個書包理論。
從片段所見，有小朋友想換鞋，只可以挨著椅邊。
這名女子還指蔣麗莎是盲的。
片中所見，該名金髮女子的書包佔了椅子大半位置，就算有小朋友在靠近書包位置換鞋也好，金髮女子似乎無意讓出位置，依舊把書包放在椅上。蔣麗莎直斥離譜，對方燥爆話︰「我唔係話你乜嘢，小姐，我話你知有個電腦喺入面！OK?」之後蔣麗莎話︰「問題係我抱緊個小朋友呀！」對方皺晒眉話︰「唔係呀!你係坐落去，我電腦喺入面！」
另一小朋友要換鞋，該名女子就算見到也沒有讓出座位。
其後有小朋友捱著那人的書包換難，蔣麗莎立即叫小朋友坐另一位置︰「唔好坐住佢個電腦呀! 佢話有個好貴重嘅嘢係入面，呢張凳唔係俾人坐，係俾佢個袋擺呢度。之後金髮女話︰「呀小姐你搞清楚，我無話唔讓你呀，你要坐落嚟就講聲，先頭小朋友要坐落嚟，我都有讓佢㗎，你自己盲之嘛!」 蔣麗莎嬲爆繼續話︰「個個小朋友喺度change the shoe，佢個袋郁都唔郁，咁樣嘅香港人真係好失禮!」她更批評社會欠缺公德心，她說︰「現在的社會都病了嗎？看到手抱兒的婦女，老人，兒童，無一讓座，這個世界猶如滑冰場一樣太冰冷了！」 據現場人指，又一城溜冰場內雖然設有收費儲物箱，而且收費每次只需7元，但不少家長或學生都愛把東西放在場內的椅子上。
入App免費換走健康產品
