女生對陽光總是又愛又恨，藝人薛凱琪(Fiona)被公認擁有白皙細嫩肌膚，其實美白和減肥一樣，並非一朝一夕，Fiona回想初入行，拍攝處女劇《學警雄心》時，日日在外景場地「裸曬」，結果白滑女神慘變一碟墨汁意粉。Fiona表示：「其實防曬真係好重要，因為紫外線有機會導致皮膚癌，細個唔識點防曬，嗰時拍《學警》，24小時都要同陽光玩遊戲，嗰半年晚晚屋企一熄燈，我就變咗隱形人一樣。」為免歷史重演，Fiona出門必定帶備防曬三寶(防曬乳液、太陽帽、太陽眼鏡)，她表示：「自己成日拍外景，接觸陽光係無可避免，尤其夏天，成日會標汗同出油，太陽紫外線搞到個人好乾。」
她早前為OLAY拍廣告，遇上大雨，要靠演技扮曬太陽，「廣告內容要我坐喺天台，邊曬太陽邊寫生。不過外面橫風橫雨，一滴陽光都冇，要事後用animation畫個藍天出嚟，我就要靠風筒、風扇吹住，營造飄逸嘅效果，諗起都幾搞笑。不過，大讚該防曬乳液有效，是袋中必常備，「其實試過唔少防曬用品，早前因為接拍OLAY廣告，而試用呢支袋裝防曬乳液，方便帶出街隨時用，加上質地好潤，搽上面唔會有繃繃緊嘅感覺。
【立即參加】送香港迪士尼樂園一日門票！
