李佳芯今日(27日)出席「東風風行05汽車發佈會」。(娛樂組攝)
李佳芯今日(27日)出席「東風風行05汽車發佈會」，現場吸引超過30名fans舉牌支持。她接受訪問指自己平常駕駛速度比較快，並笑言：「如果有啲朋友坐完我架車，下次出去嗰陣就話不如我揸啦！」她分享經常與楊潮凱相約看展覽，不過由楊潮凱負責當司機，自己則樂於做乘客。
被問到現階段的感情生活，她說：「我現在沒有男朋友，感情同工作一樣keep住好開放嘅態度，我自己成立咗工作室，咩類型都想試。」談到有關經營工作室方面，她表示：「自己去傾價錢好似有啲尷尬，所以我都有同事幫手。」她透露現階段依然熱愛拍劇。
認與不同公司接洽
講到有傳古天樂旗下公司力邀她合作拍電影，她回應：「我之前都有聽過，其實唔同公司都有見過面，但暫時都係傾嘅階段。」她否認有與古天樂見面，並續指：「都係同公司傾，不過邊間公司就唔講啦！」她承認較早前有收過劇本和親身去casting，並表示：「角色同劇本吸引係好緊要嘅，我有casting過媽媽同埋心理醫生的角色。」講到昔日有份主演的TVB劇集《麻雀樂園》播出日期，她表示：「唔知啊！等通知。」至於日後會否出席TVB的宣傳活動，她說：「我都話open任何嘅工作機會。」
【立即參加】送香港迪士尼樂園一日門票！
