李蘊宣布復出。
李蘊於2003年被當年經理人Peter Chiu睇中簽約成為藝人，一直受公司力捧，直至2015年下嫁羅章冠榮升人妻兼跟隨對方到大陸發展，並先後誕下一女一子。她見一對仔女開始長大便決定復出。
當年的她12歲出道，到今年剛好18週年，一直對幕前演出非常熱忱的李蘊決定重投Peter Chiu旗下，並簽下1314(一生一世)長約。Peter由細到大一心一意栽培她，所以李蘊希望一生一世都有Peter照顧及保護，能夠重新開展及開拓更多工作機會，為了配合娛樂工作未來將會中港兩邊工作。
李蘊不介意中港兩邊走。
李蘊開心表示今次復出獲老公支持：「小朋友出世之後，我留在屋企做咗幾年全職媽媽，依家小朋友開始大，我有多啲時間做其他事，老公都好支持我做返我喜愛嘅嘢，例如唱歌拍戲，30歲，話大唔大；話細唔細，趁住仲有理想仲有活力，應該繼續充實自己！只係老公平時比較低調，哈哈！」日後要中港兩邊飛，李蘊完全不擔心難以照顧一對仔女：「其實廣州好近，直通車都只需兩個鐘車程，以前未有疫情，我都成日中港兩邊走，我媽咪幫忙照顧兩個小朋友，所以我好放心！」
限時早鳥優惠 火速訂位 | am730母親節溫馨晚宴 $5000福袋等你拎!
