杜汶澤早前被指拖欠程美段薪金一事，雙方各執一詞，最後程美段憑一個錄音證自己清白，最後阿澤在網台的官方專頁登道歉聲明，然而網民仍甚不滿，最後阿澤決定在直播節目向程美段致歉，事件總算告一段落。
阿澤在直播節目一開始，先後5度鞠躬向程美段以及過往被他罵過的人道歉， 他說道︰「關於我話程美段小姐同記者講，話係『博見報』，我就呢一句說話係講對唔住。而我公司應承咗你一個禮拜就有錢俾你，結果係三個月之後先俾到你，我喺度同你講對唔住。我叫人哋小心你、儘量就唔好用你，係我唔啱，對唔住。我對你所有嘅指控，我都覺得我係錯嘅，對唔住。」
程接受對方公開道歉
程美段事後在Facebook發文表示接受阿澤的道歉，並欣賞他在數千人的直播中和解事件。自爆出拖糧事件之後，她被不少網民攻擊，她在文中也有回應︰「自己選擇嘅路上早就已經唔少瘋言冷語，走一轉討論區，有時會驚訝大家用詞狠毒到咁。但回心一諗，食得鹹魚就抵得渴，呢個圈入面，無論你係天后定係奀星，邊一個唔係咁樣成長？」
否認做大龍鳳
由於有網民認為拖糧事件，純粹是另類宣傳伎倆，程美段表示為保雙方聲譽，「只好厚住面皮單方面宣布唔會再同LateShow呢個平台合作，此舉絕非割蓆，只係唔想一個70萬人嘅平台俾我有所污衊，喺度程美段祝LateShow欣欣向榮，快啲勇闖百萬。」之後杜汶澤亦有轉載她的回應，並寫道︰「感謝程小姐接受我的道歉！也祝你一帆風順！」
入App免費拎荷花BB展入場券
