子華和Michael在32年後再次合作。
黃子華和許冠文(Michael)主演英皇電影《破．地獄》未上映已受國際關注，繼早前入圍夏威夷國際電影節、再獲選第21屆香港亞洲電影展開幕電影後，現時更晉身東京國際電影節。導演陳茂賢、黃子華、許冠文、衛詩雅及朱栢康更親自飛到日本出席首映，並跟影迷見面。兩大神級笑匠黃子華與許冠文自電影《神算》，相隔32年再次合作。子華表示：「30年前嘅《神算》我做編劇，同許冠文一齊度咗幾個月劇本，我哋每日都見，知晒佢嘅思維、方式、速度。呢次見佢都係冇變過，嗰種sharpness同尖銳真係一針見血，佢嘅judgment絕對信得過。」
子華表示再與Michael合作，發現他依然sharpness同尖銳。
Michael表示南音嘅深情同粵曲好好聽。
「估唔到再同子華合作」
Michael在片中飾演喃嚤師傅，電影開拍前特意拜師學二胡及南音演唱，Michael笑言：「以前爸爸媽媽都係唱南音，我就唱英文歌。當時覺得佢哋好老土。但而家練練下發現南音嘅深情同粵曲好好聽，尤其係講面對生死時嘅歌詞，好有feel。」Michael指疫情過後再細味歌詞，更覺意義。提到跟子華相隔超過30年再合作，Michael說：「當時諗，將來有機會再拍喜劇就好，發夢都估唔到咁耐至合作，又估唔到揾到一部唔笑嘅喜劇、題材仲好新穎。」
《破．地獄》影展海報由美術大師張叔平親自操刀設計。
入App免費換走健康產品
