林作表示現在「無官一身輕」，準備同網民還拖。
林作因網上言論而被保險公司發聲明割席，本報今午與他聯絡，心情平靜的他表示在公司出聲明前，公司最高層人士已向他接觸，對方稱「搞唔掂，所以要同你終止合約。」他直言得悉後心情很平靜，因為公司有其決定，自己不能控制，坦言現在「無官一身輕」。他續說︰「我終於可以做返林作本色，可以面對輿論作出反擊。即係我以前因為呢個工作，已經好克制。今次遇上一班極端份子，偽善嘅人士，就係度代表社會小眾仇恨聲音。大家睇返佢哋針對我嘅言論，嗰啲先係香港最恐怖嘅人，絕對係香港最惡毒嘅人。」
林作在保險界撈到有聲有息，有網民對他被炒感到非常興奮，認為可以重創到林作。
承諾不會變孤兒單
林作直言會準備好反擊，又認為「金子是會發亮」，完全對自己的前途不擔心，「我今日如常去錄電視節目，直情係有危就有機，對未來充分信心，繼續我嘅生活，今次只會令我更上一層樓。」對於他手上的保險客戶，他表示絕不擔心客戶會變成孤兒單，因為他手上有很多聯絡，會親自挑選合適的人士跟進他們的保單，「全部由我最好嘅人負責，佢哋搵我嘅時候，我已經同佢哋講明自己如果有咩不測，會有最好嘅團隊去負責，佢哋唔會變孤兒單，我一啲都唔擔心。」他表示今早一直收到很多客戶的支持及慰問，所以很感激他們的，自己也很感動，「我有三百幾、四百個客，有好多客已經同我講話撐我，我唔會辜負佢哋，因為我有足夠下線。」
對於「林作保險」這個團隊之後的安排，他表示暫未能可以交代，因為未來一星期仍要與公司開會商討。他說︰「林作保險同顛倒保險業嘅心係一直會落去！仲有方法繼續我嘅事業！」他表示現時首要做的事是反擊網民，「依家係5隻字︰『無官一身輕』教育大眾、影響大眾，係我嘅天命！依家要同佢哋(網民)死過！」
林作表示他過去的言論，因為受到工作限制而表現克制。
從不為言論後悔
問到林作有沒有因為其言論而感到一絲悔意，他說︰「絕對無！林作從不為佢言論而後悔過，非常自豪，仲覺得呢單嘢係會令我事業更上一層樓，更加多支持者！」他續指自己是一個人才，從不擔心前途，直言現在是一個契機，令他提前進行其他新工作。他稱自己在教育界、培訓界一直有工作，機會處處，他又舉例說正好讓他有時間籌備棟篤笑，「直情要三、四個月時間去準備，依家就係一個契機去籌備。我一直都話娛樂心未死，我相信我講嘢係會有人想聽。」、「你一度唔留我，放飛我，只會更上一層樓，呢單嘢會令我只會繼續向上。」
他表示絕不會因此事而收歛出位言論，他呼籲理性的網民要站出來，「由於本人冇任何束縛，未來48小時會行動升級，理性網民要站出來，偏激、極端網民唔好得戚，可以唔同意我言論，但唔可以超越底線去恐嚇同詛咒！」
和記行集團70周年聖誕送7大厚禮🎁 冷氣機 |風扇 |車用揚聲器 立即帶返屋企👉
