嘉欣在影視會上不停派心心。
電訊盈科今日在香港國際影視展宣布推出新劇《THE SEASON》，演員陣容強勁，計有林嘉欣、Anson Lo(盧瀚霆)、木村光希、Marf(邱彥筒)等。
問到《THE SEASON》只得6集，會否「唔夠喉」。嘉欣說：「視乎劇集成績點啦。如果好，應該會加碼。」影后嘉欣自爆首次拍劇，問到點解會接拍，她說：「其實我未拍過劇，呢套係我人生第一次拍劇。新冠疫情令整個觀看方式改了。以前我拍電影係菲林時期，好多時仲介意大銀幕同細銀幕嘅分別。但一個疫情已改寫咗大家觀看嘅方式，而家已經冇分電影或者電視，加上套劇嘅故事圍繞香港，好有意義，我好想參與。」
嘉欣表示劇集全以英文對白，現在喪背準備開拍。
嘉欣：生完兩件至叫我著泳衣
嘉欣自言這劇有3大挑戰，令她好緊張。「就係要喪背6集嘅英文對白，穿一件頭泳衣，同埋拍歌舞場景。」她表示日前試穿了3件泳衣，感覺也不錯。「大家放心，係一件頭泳衣。仲有件嘢披上身，比較有安全感。我心諗，婚前冇人叫我著泳衣，婚後生完兩件十幾歲至叫我著泳衣。」
嘉欣在劇中飾演億萬富豪的妻子，靚衫自然多不勝數。「係吖，宥幾十件衫著，每集要換幾件，拍攝場地又舒服，又有靚車坐，感覺好正。」
立即更新/下載AM730手機APP 體驗升級功能
