林德信(Alex)、音樂人T-Ma及歌手曾詠熙(Teresa)等，日前現身網媒「後台」宣傳新歌，更分享聖誕願望。雖然天氣轉冷，難得聚集把握機會玩遊戲，輸家要罰「速食」Alex代言的雪糕產品。Alex稱，兒時非常期待聖誕節，刻意早起身拆禮物：「4歲時響美國居住，當年早起身跑落樓去聖誕樹底拆禮物，好似電影橋段咁！返到嚟香港就冇啦，因為依家間屋咁細，聖誕樹都擺唔落啦。」
Alex指，現在仍期待聖誕派對，可以趁交換禮物環節「散貨」：「因為平時好多贊助嘅禮物，可能我未必鍾意，可能好多人想要，咪攞出去同人交換囉。」
