明禎BB是廣告商寵兒，獲邀為環保啤酒拍廣告。
大馬女神林明禎早前獲邀為啤酒品牌拍宣傳片，明禎BB在片中半露香肩，以冷豔眼神定睛注視觀眾說：「睥咩睥？麵包變啤酒，唔得咩？」然後瞬間以其招牌的娃娃音廣東話說：「梗係得啦！包包再造、女神啤啤!」加上甜到漏的笑容，不經意就迷倒在場所有工作人員。拍攝當日，明禎曾因講錯對白而NG，感到不好意思的她不自覺扁扁咀，陰公豬的可愛模樣幾乎電暈負責拍攝的攝影師。
自言從無飲醉過
女神不止有仙女氣質還是一位女中豪傑，她於廣告片中自豪地說：「坦白講，我從來無飲醉過，所以我都好想知我飲醉咗係咩樣。如果我飲醉咗可以變成男仔，我第一件事應該會除衫，攞支啤酒跑去海邊曬太陽。」明禎曾透露於疫情期間，因為往來台灣和大馬兩邊工作需要隔離，林媽媽幾乎每天問她有沒有喝酒，因為林媽媽覺得酒精可以殺菌、消毒，果然有其母必有其女，林媽媽與明禎同樣可愛。而明禎今次代言BOB啤酒可謂滿足私心，因為可以每日豪飲啤酒。
分享keep fit秘訣
擁有22吋腰的明禎，散發自然性感魅力，原來她的好身型亦與飲食習慣有關：「我原本係想要環保，所以食少啲肉，我嘅身體、體態，我都覺得變得好好，唔止可以環保，自己都可以變得更加好。嘩，有押韻！」提到BOB兩大元素，麵包與啤酒，明禎笑謂自己同樣是麵包與啤酒的混合體，她說：「我覺得我喺屋企人同朋友面前係暖暖嘅麵包，我自己一個人嗰時就係好冰涼嘅啤酒。就是外表看起來酷酷的，你認識我之後呢，你反而就覺得我很熱情、很容易親近的。」
🎁 amJetso請你睇《焚城》，快Ｄ開APP玩👇 👇
