林海峰自認假民主

軟硬天師(林海峰及葛民輝)日前為可口可樂拍廣告，葛民輝大爆拍攝趣事，他說：「拍攝時我按導演要求，3秒鯨吞一杯冰凍 『可口可樂』，感覺好似直接放咗支細枝裝可樂入喉嚨，導演嫌我飲得太快！但現場工作人員就歎為觀止。」林海峰則透露平日約朋友食飯的趣事，身為家中哥哥的他，在朋友間都是「話事人」，約食飯實行「假民主」，他笑指：「我成日問飯腳想食乜，但大家都心知，其實我只係禮貌上問一問，最後一定係我決定，所以我嘅飯腳都比較怕我！」