梁漢文(梁炳)昨日到電台接受訪問，講到8月舉行的演唱會，他表示：「今朝去髮廊整頭髮時，有上網睇售票情況，可能因為剛剛開賣，網路有啲擠塞，所以睇唔到銷情，不過後嚟朋友將售票情況cap圖俾我睇，銷情都ok啦。」梁炳稱，今次演唱會場地較小，座位不多，而且首次在九展開騷，打算搭建一個T台，安排弦樂手在台上演奏。
至於服裝方面，梁炳交由太太設計，他笑說：「希望今次唔使露太多，之前太太幫我設計及胸款短身上衫露腹肌，知道後要即刻操肌，希望下次太太早點同我講，如果有要露嘅部分，等我可以把握時間操練。」梁炳笑指，現在應該只有4塊腹肌，要露就要積極練習。
