何韻詩在社交平台上載合照悼恩師，伴以梅姐與張國榮合唱的《愛的教育》的歌聲。
今日10月10日，是一代巨星梅艷芳的60歲冥壽。其愛徒何韻詩在踏入零時後，在社交平台上載合照悼恩師，伴以梅姐與張國榮合唱的《愛的教育》的歌聲，她寫道：「早排要搵舊照，唔覺意搵到寶，yeah。最近時常假想，如果妳一直喺度，到今日我生活會有咩唔同？會唔會係同一個人？喺妳面前係咪仲心底咁笠水但表面扮無嘢？會唔會都係繼續好似以前咁，每個weekend去妳屋企黐餐打邊爐。睇妳因為發咗誓唔食豬肉（因為寶貝小豬mug），堅持水餃入面係牛肉唔係豬肉？然後我哋個個和應話係啊係啊係牛肉啊？」
事隔二十年 妳仍然好近好近
梅姐已逝世近20年，近日再戰樂壇的阿詩仍然念念不忘師傅的鼓勵，她寫道：「唔好意思，我記憶點好random。事隔二十年，有時唔覺意望到呢啲舊相，覺得呢啲日子離我好遠好遠；但好神奇，妳仍然好近好近。(就好似呢張相咁隨時喺後面gup住我咁😂) 『繼續努力啦何小詩！』收到，祝妳第六十個生日快樂♥️。」
另外，盧巧音亦在社交平台貼了與梅姐和何韻詩的合照，她簡單寫著：「梅姐生日快樂。」hashtag「永遠都咁鍾意呢張合照」。
amJetso 送BIODERMA救星小紅瓶🩷護膚恩物 立即按此參加👇
